ಹಸಿರು ಕ್ರಾಂತಿಯ ನಗುವಲ್ಲಿ ಆ ಕಾಲ … ಬರದ ನಡುವೆ ಕೊರಗುವ ಈ ಕಾಲ… ಶಶಿಕುಮಾರ್.ಎಂ.ಎ ಅವರ ಲೇಖನಿಯಲ್ಲಿ ಅರಳಿದ ಸುಂದರ ಕವಿತೆಯನ್ನು ತಪ್ಪದೆ ಮುಂದೆ ಓದಿ…
ಕಾಲದ ಪರದೆಯ ಹಿಂದಿದೆ ಅಕಾಲ
ಕಾಣದ ಕೈಗಳ ಹಿಡಿತದಲ್ಲಿದೆ ಈ ಕಾಲ
ರಾಜರ ಆಳ್ವಿಕೆಯ ಶಿಸ್ತಿನ ಆ ಕಾಲ
ರಾಜಕೀಯದ ಮೋಜಿನ ಈ ಕಾಲ
ಮದುವಣಗಿತ್ತಿಯ ನಡತೆಯ ಆ ಕಾಲ
ಬಿಚ್ಚೋಲೆ ಗೌರಮ್ಮನ ಈ ಕಾಲ
ಮೈ ಮುಚ್ಚಿ ಬೆವತು ಬೆಳೆದ ಆ ಕಾಲ
ಅಂಗಾಂಗಗಳ ಪ್ರದರ್ಶನದ ಈ ಕಾಲ
ಹಸಿರು ಕ್ರಾಂತಿಯ ನಗುವಲ್ಲಿ ಆ ಕಾಲ
ಬರದ ನಡುವೆ ಕೊರಗುವ ಈ ಕಾಲ
ಕಾಯಿಲೆ ಕಾಣದ ಸುಯೋಗ ಆ ಕಾಲ
ಕಾಯಿಲೆಗೆ ಹೆದರಿ ಸಾಯುವ ಈ ಕಾಲ
- ಶಶಿಕುಮಾರ್.ಎಂ.ಎ – ಮೈಸೂರು
