ಭಾವನೆಗಳನ್ನು ಯಾರೊಂದಿಗೆ ಹಂಚಿಕೊಳ್ಳಬೇಕಾದರೆ ಎಚ್ಚರವಿರಲಿ. ಅವರ ಒಂದು ಪುಟ್ಟ ಲೇಖನವನ್ನು ತಪ್ಪದೆ ಮುಂದೆ ಓದಿ…
ಮನವೆಂಬ ಲಾಳಿಕೆಯಿಂದ ಭಾವನೆಗಳೆಂಬ ದ್ರಾವ್ಯ (Solute) ಜಾರುವುದು ಸಹಜ. ಆದರೆ ಹಾಗೆ ಜಾರಿದಾಗ ಅವು ಯಾವ ಭಾವನೆಗಳೆಂಬ ದ್ರಾವಕದ (Solvent ) ಜೊತೆ ಬೆರೆಯಲಿಚ್ಛಿಸುತ್ತವೆ ಎಂಬುವುದು ಮುಖ್ಯವಾಗುತ್ತದೆ.
ಹಾಗೆ ಸೇರಿದ ಆ ಎರಡೂ ಭಾವನೆಗಳು (ದ್ರಾವ್ಯ ಮತ್ತು ದ್ರಾವಕ) ಏಕರೂಪತೆಯದಾಗಿದ್ದರೆ (homogeneous) ಮಾತ್ರ ಒಂದರಲ್ಲೊಂದು ಲೀನವಾಗಿ ಏಕರೂಪತೆ ಮಿಶ್ರಣವಾಗುತ್ತದೆ (homogeneous mixture).
ಆದರೆ ಆ ಎರಡೂ ಭಾವನೆಗಳು (ದ್ರಾವ್ಯ ಮತ್ತು ದ್ರಾವಕ) ಭಿನ್ನಜಾತಿಯದಾಗಿದ್ದರೆ (heterogeneous) ಒಂದರ ಜೊತೆಯಿನ್ನೊಂದು ಲೀನವಾಗುವ ಸಾಧ್ಯತೆಯೇ ಇಲ್ಲ. ಹಾಗಾಗಿ ಅವೆರಡೂ ಭಾವನೆಗಳು ಸೇರಿದಲ್ಲಿ ಅದೊಂದು ಭಿನ್ನಜಾತಿಯ ಮಿಶ್ರಣವಾಗುತ್ತದೆ. (heterogeneous mixture).
ದ್ರಾವ್ಯ (solute ) ಹಾಗೂ ದ್ರಾವಕ (solvent ) ಬೆರೆತರೆ ಮಾತ್ರ ಆ ದ್ರಾವಣಕ್ಕೊಂದು (solution) ಸ್ವಾದವಲ್ಲವೇ? ಇಲ್ಲದಿದ್ದರೆ ಅದಕೆಲ್ಲಿದೆ ಸ್ವಾದ…ಆದ್ದರಿಂದ ಭಾವನೆಗಳನ್ನು ಯಾರೊಂದಿಗೆ ಹಂಚಿಕೊಳ್ಳಬೇಕೆಂಬುವ ಎಚ್ಚರವಿರಲಿ.
- ಸಂಪ್ರೀತಿ (ಪ್ರೀತಿ ಸಂಗಮ್ )
