‘ಸ್ವಾತಿ ಮಳೆ ಹನಿಯೊಂದು ಕಡಲನ್ನೆ ಸೀಳಿ ಚಿಪ್ಪೊಳಗೆ ಕುಳಿತಿತಂತೆ ಮಳೆಹನಿ’…ಕವಿ ಅಪ್ಪಯ್ಯ ಯು ಯಾದವ್ ಅವರ ಕವನವನ್ನು ತಪ್ಪದೆ ಮುಂದೆ ಓದಿ…
ಮುಂಜಾನೆ ಬಿದ್ದ
ಮಳೆಹನಿಯ ಹೀರಿ
ಒಣಹುಲ್ಲುಚಿಗುರಿದಂತೆ/
ಕಪ್ಪಾದ ಮೋಡ ಮನಕರಗಿತಾನು
ಮಳೆಯಾಗಿಸುರಿಸಿದಂತೆ /
ಮಣ್ಣಕಣ ತೊಯ್ದು
ಚಿಗುರೊಡಯಲಾಗ
ಒಣ ಮರಕೂ ಚಿಗುರುವಾಸೆ/
ಬತ್ತಿ ಹೋಗಿಹ ಒರತೆ
ಜೀವಕಳೆ ಪಡೆದು
ಜಿಗಿಜಿಗಿದು ಮೇಲೆ
ಬರಲು/
ತೊರೆಯೆಲ್ಲ ತುಂಬಿ
ನದಿಯೊಡನೆ ಬೆರೆತು
ಕಡಲಲೊಳಗೆ
ಬೆರೆಯೊ ತವಕ/
ಈ ಜೀವ ಹಾಗೆ
ಉತ್ಸಾಹ ಇರಲು
ನೀರಹನಿಯಂತೆ ಬದುಕು/
ಹನಿಯೊಂದು ತೊರೆಯಾಗಿ
ನದಿಯಾಗಿ ದುಮ್ಮಿಕ್ಕಿ
ಸಾಗರವೆ ಆಗುವಂತೆ/
ಛಲದಿಂದ ಬಾಳು
ಅಚಲ ವಿಶ್ವಾಸವಿರೆ
ಜನಸಾಗರದಿ ನೀನು ಬೆರೆವೆ/
ಸ್ವಾತಿ ಮಳೆ ಹನಿಯೊಂದು
ಕಡಲನ್ನೆ ಸೀಳಿ
ಚಿಪ್ಪೊಳಗೆ ಕುಳಿತಿತಂತೆ/
ಅವಿರತದ ತಪದಿ
ಮುತ್ತಾಗಿ ಜಗಕೆ
ಪರಿಚಯಿಸಿ ಕೊಂಡಿತಂತೆ/
- ಅಪ್ಪಯ್ಯ ಯು ಯಾದವ್
