ಸುವರ್ಣಗೆಡ್ಡೆ ಗಿಡದ ದಂಟಿನ ರುಚಿಕರವಾದ ಕಾಯಿ ಹುಳಿ ರೆಸಿಪಿ ಮಾಡುವ ವಿಧಾನವನ್ನು ಹೋಟೆಲ್ ಉದ್ಯಮಿ ಅರುಣ್ ಪ್ರಸಾದ್ ಅವರು ಹಂಚಿಕೊಂಡಿದ್ದಾರೆ, ತಪ್ಪದೆ ಮುಂದೆ ಓದಿ….
ಬೇಕಾಗುವ ಸಾಮಗ್ರಿಗಳು:
- ಸುವರ್ಣಗೆಡ್ಡೆ ಕಾಂಡ
- ತೆಂಗಿನ ಕಾಯಿ – ಸ್ವಲ್ಪ
- ಹಸಿಮೆಣಸು – ಸ್ವಲ್ಪ
- ಜೀರಿಗೆ- ಸ್ವಲ್ಪ
- ಸಾಸಿವೆ – ಸ್ವಲ್ಪ
- ಇಂಗು – ಸ್ವಲ್ಪ
- ಕರಿಬೇವು
- ಮಜ್ಜಿಗೆ – ಸ್ವಲ್ಪ
- ಉಪ್ಪು – ಸ್ವಲ್ಪ
- ಹುಳಿ – ಸ್ವಲ್ಪ
ಮಾಡುವ ವಿಧಾನ : ಸುವರ್ಣಗೆಡ್ಡೆ ಗಿಡದ ಎಳೆ ಕಾಂಡ (ದಂಟು) ಕತ್ತರಿಸಿ ಅದರಲ್ಲಿನ ಮೇಲಿನ ಸಿಪ್ಪೆ ನಿವಾರಿಸಿ ತೊಳೆದು ಉಪ್ಪು, ಸ್ವಲ್ಪ ಹುಳಿ ಸೇರಿಸಿ ಬೇಯಿಸಿ ಬೆಂದ ನಂತರ ಬೇಯಿಸಿದ ನೀರು ತೆಗೆದು ಚೆಲ್ಲಿಬಿಡಿ.
ಫೋಟೋ ಕೃಪೆ : google
ಫೋಟೋ ಕೃಪೆ : google
ಫೋಟೋ ಕೃಪೆ : google
ತೆಂಗಿನ ಕಾಯಿ, ಹಸಿಮೆಣಸು ಮತ್ತು ಜೀರಿಗೆ ನುಣ್ಣಗೆ ರುಬ್ಬಿ ಅದರ ಜೊತೆ ಸುವರ್ಣಗೆಡ್ಡೆ ದಂಟಿನ ಬೇಯಿಸಿದ ಹೊಳು, ಸ್ವಲ್ಪ ಬೆಲ್ಲ ಸೇರಿಸಿ ಕುದಿಸಿ (5 ನಿಮಿಷ) ಇಳಿಸಿದ ನಂತರ ಸ್ವಲ್ಪ ಮಜ್ಜಿಗೆ ಸೇರಿಸಿ, ಉಪ್ಪು ರುಚಿ ನೋಡಿ ನಂತರ ಸಾಸಿವೆ – ಇಂಗು – ಕರಿಬೇವು ಒಗ್ಗರಣೆ ನೀಡಿದರೆ ದಿಡೀರ್ ರುಚಿಕರ ಸುವರ್ಣಗೆಡ್ಡೆ ದಂಟಿನ ಕಾಯಿ ಹುಳಿ ರೆಡಿ.
- ಅರುಣ್ ಪ್ರಸಾದ್ – ಹೋಟೆಲ್ ಉದ್ಯಮಿ, ಲೇಖಕರು
