‘ಸಾಲಿಲೋಕಿ ಫ಼ಾರ್ ಕಸ್ಸಾಂಡ್ರ’ ಕವನ

ಟಿಪ್ಪಣಿ:
ಕಸ್ಸಾಂಡ್ರ ಗ್ರೀಕ್ ಪುರಾಣದಲ್ಲಿ ಬರುವ ಟ್ರೊಜನ್ ನ ಒಬ್ಬಳು ಪ್ರವಾದಿನಿ ( ಭವಿಷ್ಯ ನುಡಿಯುವವಳು), ದೊರೆ ಪ್ರಿಯಮ್ ಮತ್ತು ರಾಣಿ ಹೆಕ್ಯೂಬ ರ ಮಗಳು. ಅಪೋಲೋದೇವತೆಗೆ ಪ್ರಿಯಳಾಗಿದ್ದವಳು ಯಾವುದೋ ಕಾರಣಕ್ಕೆ ಅವನ ಕೆಂಗಣ್ಣಿಗೆ ಗುರಿಯಾಗಿ “ನೀನು ನುಡಿಯುವುದೆಲ್ಲವೂ ಸತ್ಯವಾಗಲಿ, ಆದರೆ ಯಾರೂ ಅದನ್ನು ನಂಬದಿರಲಿ” ಎಂದು ಶಪಿಸಲ್ಪಟ್ಟಳು.

ಟ್ರೋಜನ್ ಯುದ್ಧದಲ್ಲಿ ಜಯಗಳಿಸಿದ ದೊರೆ ಆಗಮೆಮ್ನನ್ ಕಸ್ಸಾಂಡ್ರಾಳನ್ನು ತನ್ನ ದಾಸಿಯಾಗಿ ಆರ್ಗೋಸಾಗೆ ಕರೆತರುತ್ತಾನೆ. ಕಸ್ಸಾಂಡ್ರ ಟ್ರಾಯ್ ನಗರದ ವಿಧ್ವಂಸದ ಬಗ್ಗೆ ಭವಿಷ್ಯ ನುಡಿಯುತ್ತಾಳೆ. ಅದನ್ನು ಯಾರೂ ನಂಬುವುದಿಲ್ಲ. ಅವಳು ನುಡಿದಂತೆ ಟ್ರಾಯ್ ನಗರ ಸುಟ್ಟು ಬೂದಿಯಾಗುತ್ತದೆ. ಅವಳು ತನ್ನ ಮತ್ತು ಆಗಮೆಮ್ನನ್ ನ ಅಂತ್ಯವನ್ನೂ ಮುಂಗಾಣುತ್ತಾಳೆ. ಆಗಮೆಮ್ನನ್ ನ ಜತೆಗೆ ಕಸ್ಸಾಂಡ್ರಾಳನ್ನೂ ಆಗಮೆಮ್ನನ್ ನ ಹೆಂಡತಿ ಕ್ಲೈಟಮ್ನೆಸ್ಟ್ರಾ ಕೊಲ್ಲುತ್ತಾಳೆ.