‘ಎರಡು ಪುಟ್ಟ ಕಣ್ಣುಗಳು ನಿಂತು ಜಗವ ನೋಡುತ್ತದೆ’… ಕವಿ ನಾಗರಾಜ ಬಿ.ನಾಯ್ಕ ಅವರು ಲೇಖನಿಯಲ್ಲಿ ಅರಳಿದ ಕವಿತೆಯನ್ನು ತಪ್ಪದೆ ಮುಂದೆ ಓದಿ…
ಬಿಂಬಗಳಾಚೆ ನಿಂತರೂ
ಬದುಕು ಕಾಣಿಸುತ್ತದೆ ಕಣ್ಣಿಗೆ
ಕಣ್ಣೇ ಮರೆಯುವುದಿಲ್ಲ
ಆ ಕಣ್ಣುಗಳು
ತುಂಬಿಕೊಳ್ಳುತ್ತದೆ ಮತ್ತೆ ಮತ್ತೆ
ಚಿತ್ರಗಳನ್ನ ಬದುಕನ್ನ
ಆ ಕಣ್ಣುಗಳಲ್ಲಿ ತರೇವಾರಿ
ನೋಟ ಪ್ರತಿ ನೋಟಗಳು
ನೋವ ನಡುವಿನ ಮಾತುಗಳನ್ನು
ಕಥೆಗಳಂತೆ ನಗುವಿನಲ್ಲೂ,
ಬಿಂಬಗಳುಂಟು ಸಾವಿರ
ಕಣ್ಣುಗಳು ಮಾತ್ರ ಸಾಕ್ಷಿಯಾಗುವಂತೆ
ಎರಡು ಪುಟ್ಟ ಕಣ್ಣುಗಳು
ನಿಂತು ಜಗವ ನೋಡುತ್ತದೆ
ಪುಟಾಣಿ ಹಕ್ಕಿಗೂ
ಅವೇ ಕಣ್ಣುಗಳು ನೋಡಲು
ಆ ಕಣ್ಣುಗಳಲ್ಲಿ
ಸೋಜಿಗ ಕಾತರ ತಲ್ಲಣ
ಎಷ್ಟೊಂದು ಕೆಲಸಗಳಿಗೆ
ಮೂಲ ಆ ಪುಟ್ಟ ಕಣ್ಣುಗಳು
ಕಾಡುತ್ತವೆ ಹುಡುಕುತ್ತದೆ
ಮತ್ತೆ ಮತ್ತೆ ಎದುರಾಗುತ್ತದೆ
ಅದೇ ನಗುವ
ಮತ್ತೆ ತುಂಬಿಸಿಕೊಳ್ಳುತ್ತಾ
ಜೀವಂತಿಕೆ ತೋರತ್ತಾ
ಒಲವಿನ ಕಿರುನಗೆ ಬೀರುತ್ತಾ……
- ನಾಗರಾಜ ಬಿ.ನಾಯ್ಕ – ಹುಬ್ಬಣಗೇರಿ , ಕುಮಟಾ
