ಕೆಂಪಗಸೆ ಗಿಡದ ವಿಶೇಷತೆ

ಸ್ಮರಣ ಶಕ್ತಿ ವೃದ್ಧಿಸಲು, ಹೊಟ್ಟೆ ನೋವಿಗೆ ಸಾಕಷ್ಟು ಔಷಧೀಯ ಗುಣಗಳನ್ನು ಹೊಂದಿರುವ ಕೆಂಪಗಸೆ ಗಿಡದ ಮಹತ್ವದ ಕುರಿತು ಎಸ್.ಎಚ್.ನದಾಫ ಅವರು ಓದುಗರೊಂದಿಗೆ ಹಂಚಿಕೊಂಡಿದ್ದಾರೆ ತಪ್ಪದೆ ಮುಂದೆ ಓದಿ…

ಗಿಳಿಯ ಕೊಕ್ಕಿನ ಹಾಗೆ ವಿಶೇಷ ಆಕಾರದ ಹೂವು ಹಾಗೂ ಕಾಯಿಗಳಿಂದ ಆಕರ್ಷಿಸುವ ಈ ಗಿಡಕ್ಕೆ ಕನ್ನಡ ಭಾಷೆಯಲ್ಲಿ ಅಗಸೆ, ಚೊಗಚೆ, ಕೆಂಪಗಸೆ, ಬಕ ಪುಷ್ಪ , ಚಿನ್ನದಾರೆ ಇತ್ಯಾದಿ.
ಆಂಗ್ಲ ಭಾಷೆಯಲ್ಲಿ sesbane , August flower, Vegetable hummingbird. ಸಂಸ್ಕೃತ ಭಾಷೆಯಲ್ಲಿ ಅಗಸ್ತ್ಯ, ಮುನಿಧೃಮ ಎಲ್ಲ ಕಡೆ ಬೆಳೆಯುವ ಈ ಚೊಗಚೆ ಗಿಡಗಳನ್ನು ಹೆಚ್ಚಾಗಿ ವಿಳ್ಯದೆಲೆ ತೋಟಗಳಲ್ಲಿ ಎಲೆ ಬಳ್ಳಿಗಳ ಆಸರೆಗಾಗಿ ಬೆಳೆಸುತ್ತಾರೆ. ಇಪ್ಪತ್ತರಿಂದ ಮೂವತ್ತು ಅಡಿ ಕಂಬ ಗಳಂತೆ ಈ ಗಿಡಗಳು ಬೆಳೆಯುತ್ತವೆ.

ಫೋಟೋ ಕೃಪೆ : google

ಅಗಸೆ ಬರ ನಿರೋಧಕ ಗಿಡ. ನೆಟ್ಟ ಒಂದೇ ವರ್ಷದಲ್ಲಿ ಹೂವು ಕಾಯಿಗಳನ್ನು ಬಿಡುತ್ತದೆ. ಬಿಳಿ ಹಾಗೂ ಕೆಂಪು ಬಣ್ಣದ ಎರಡು ತಳಿಗಳಿವೆ. ನುಗ್ಗೆ ಕಾಯಿಯ ಹಾಗೆ ಉದ್ದ ಕಾಯಿಗಳಾಗುತ್ತವೆ. ಈ ಗಿಡ ಗಳು ಮಣ್ಣಿನ ಸಾರ ವೃದ್ಧಿಸಲು ಸಹಕಾರಿಯಾಗಿವೆ.

ಚೊಗಚೆ ಗಿಡ ಸಂಪೂರ್ಣ ಔಷಧೀಯ ಗುಣಗಳನ್ನು ಹೊಂದಿದೆ. ಇದರ ಎಲೆ ಹೂವು ಕಾಯಿ ಗಳನ್ನು ತರ ಕಾರಿಯಂತೆ ಬಳಸುತ್ತಾರೆ. ಇದರ ಹೂವು ಗಳಲ್ಲಿ ಅಧಿಕ ಪ್ರಮಾಣದ ಪ್ರೋಟೀನ್, ಎ ವಿಟಮಿನ್, ಶರ್ಕರ ಪೀಷ್ಟ , ಸುಣ್ಣ ಮತ್ತು ಕಬ್ಬಿಣದ ಅಂಶಗಳು ಹೇರಳ ವಾಗಿದ್ದು ಪೋಷಕಾಂಶಗಳ ಕೊರತೆ ನಿವಾರಿ ಸಲು ಸಹಕಾರಿಯಾಗಿದೆ. ಇದರ ಸುಂದರವಾದ ಹೂವುಗಳನ್ನು ಗಿಳಿ ಹಾಗೂ ಅಳಿಲುಗಳು ಸೇವನೆ ಮಾಡುತ್ತವೆ. ಹೂವುಗಳ ಗುಲ ಕಂದ್ ತುಂಬಾ ಆರೋಗ್ಯದಾಯಕ . ಹೂವುಗಳಿಂದ ಪಕೋಡ ತಯಾರಿಸಬಹುದು.

ಫೋಟೋ ಕೃಪೆ : google

ಔಷಧೀಯ ಗುಣಗಳು :

* ಇರುಳುಗಣ್ಣಿಗೆ ಅಗಸೆ ಹೂವುಗಳ ಪಲ್ಯ ಮಾಡಿ ಎರಡು ವೇಳೆ ಸೇವಿಸಬೇಕು.

* ಕಣ್ಣಿನ ರೋಗಗಳಿಗೆ ಬಿಳಿ ಅಗಸೆ ಹೂವಿನ ರಸ ಎರಡೆರಡು ಹನಿ ಹಾಕಬೇಕು. ಹಾಗೂ ಇದರ ಎಲೆಗಳನ್ನು ತುಪ್ಪದಲ್ಲಿ ಹುರಿದು ಸೇವನೆ ಮಾಡುವು ದರಿಂದ ನೇತ್ರ ವಿಕಾರಗಳು ಪರಿಹಾರವಾಗುತ್ತವೆ.

* ಇದರ ಹೂವುಗಳ ಗುಲಕಂದ ತಯಾರಿಸಿ ಸೇವಿಸಿದರೆ ಶಾರೀರಿಕ ದೌರ್ಬಲ್ಯ ದೂರವಾಗಿ ದೇಹ ಕಾಂತಿಯುಕ್ತವಾಗುತ್ತದೆ.

* ಅರ್ಧ ತಲೆ ನೋವಿಗೆ ವಿರುದ್ಧ ದಿಕ್ಕಿನ ಮೂಗಿನ ಹೊರಳೆಯಲ್ಲಿ ನಾಲ್ಕೈದು ಹನಿ ಎಲೆಗಳ ರಸವನ್ನು ಹಿಂಡಬೇಕು.

* ಹೊಟ್ಟೆಯ ಹುಳುಗಳಿಗೆ 20 ಎಂ ಎಲ್ ನಷ್ಟು ಎಲೆಗಳ ರಸವನ್ನು ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಕುಡಿ ಯಬೇಕು.

*ಸ್ಮರಣ ಶಕ್ತಿ ವೃದ್ಧಿಸಲು ಚೊಗಚೆ ಗಿಡದ ಬೀಜಗಳ ಪೌಡರ್ ನ್ನು 05 ಗ್ರಾಂ ನಷ್ಟು ಹಸುವಿನ ತುಪ್ಪದಲ್ಲಿ ಎರಡು ಬಾರಿ ಸೇವನೆ ಮಾಡಬೇಕು.

*ಹೊಟ್ಟೆ ನೋವಿಗೆ ಅಗಸೆ ಗಿಡದ ಚಕ್ಕೆ , ಹುರಿದ ಲವಂಗ ಸೇರಿಸಿ ಕಾಢೆ (ಕಷಾಯ) ತಯಾರಿಸಿ ಸೈಂಧವ ಲವಣ ಸೇರಿಸಿ ದಿನದಲ್ಲಿ ಮೂರು ಬಾರಿ ಸೇವಿಸಬೇಕು.
ಹೀಗೆ ಹಲವಾರು ಕಾಯಿಲೆಗಳಿಗೆ ಮನೆಮದ್ದಾಗಿ ಬಳಕೆಯಾಗುವ ಈ ಸುಂದರವಾದ ಅಗಸೆ ಗಿಡಗಳನ್ನು ಮನೆಯಂಗಳದಲ್ಲಿ ಬೆಳೆಸಿದರೆ ಗಿಳಿ ಕೋಗಿಲೆ ಅಳಿಲು ಮುಂತಾದ ಪಕ್ಷಿಗಳಿಗೆ ಆಸರೆಯಾಗಿ  ಮನೆಗೂ ತರಕಾರಿ ದೊರೆಯುತ್ತದೆ.

ಈ ಚೊಗಚೆ ಗಿಡದ ಬೀಜಗಳು, ಬೀಜಗಳ ಮಾರಾಟದ ಅಂಗಡಿ ಹಾಗೂ ಬೀಜೋತ್ಪಾದನಾ ಕೇಂದ್ರಗಳಲ್ಲಿ ದೊರೆಯುತ್ತವೆ.

• ಎಸ್.ಎಚ್.ನದಾಫ