‘ದಾಳ’ ಕವನ – ನಾಗರಾಜ ಜಿ. ಎನ್. ಬಾಡ

ಯಾರಿಲ್ಲಿ ನಮ್ಮವರು
ಯಾರಿಲ್ಲಿ ನಮ್ಮವರಂತೆ ನಟಿಸಿ
ನಂಬಿಸಿ ಮೋಸವ ಮಾಡುವವರು

ಯಾರನ್ನೂ ನಂಬುವುದು ಕಷ್ಟ
ನಂಬಿಕೆ ಮಾಡುವುದು ನಮಗೇ ನಷ್ಟ

ಅವರವರ ಸ್ವಾರ್ಥ ಸಾಧನೆಗೆ
ಯಾರನ್ನ ಬೇಕಾದರೂ ಇಲ್ಲಿ
ನಂಬಿಸಿ ಬಲಿಯ ಹಾಕುವರು

ಅವರ ಲಾಭಕ್ಕೆ ಬಳಸಿಕೊಳ್ಳುವರು
ಸಮಯ ಸಂದರ್ಭದ ನೆಪವ ಹೇಳಿ
ನುಣ್ಣಗೆ ಜಾರಿಕೊಳ್ಳುವರು

ಮೋಸ ಮಾಡುವುದೇ ಅವರ ಕಲೆ
ಅದಕ್ಕಾಗಿ ಬೀಸುವರು ಬಲೆ
ಸಿಕ್ಕಿದ್ದನ್ನು ತಿಂದುಂಡಿ ತೇಗುವರು

ಮತ್ತೆ ಹೊಸ ಮಿಕವ ಹುಡುಕುವರು
ಮತ್ತದೇ ಮೋಸದಾಟಕ್ಕೆ
ಹೊಂಚುಹಾಕಿ ದಾಳವ ಉರುಳಿಸುವರು