”ಕಾಯಕ ಯೋಗಿ ಜಗದೊಳು ಭೋಗಿ”…ಸುಂದರ ಸಾಲುಗಳು ಚನ್ನಕೇಶವ ಜಿ ಲಾಳನಕಟ್ಟೆ ಅವರು ಬರೆದಿರುವ ಕಾಯಕ ಯೋಗಿ ಕವನ ಓದುಗರ ಮುಂದಿದೆ, ಓದಿ…
ಊರುಗಳಲೆದು ಕೇರಿಗಳಿಳಿದು
ಸುತ್ತಿ ದುಡಿಯುವೆನು
ಸುಡುವ ನೆತ್ತಿ ಹೊಟ್ಟೆಗೆ #ಬುತ್ತಿ
ಕೂಗುತ ನಡೆಯುವೆನು
ಬಗೆಬಗೆ ವಸ್ತು ಮನೆಬಳಿ ಕೊಳ್ಳಿ
ಎನ್ನುತ ಸಾರುವೆನು
ಎಲ್ಲರಿಗೆಟಕುವ ದರವನು ಮಾಡಿ
ನಗೆಯನು ಬೀರುವೆನು
ಓಡುವ ಗಾಡಿ #ಮೈಕನು ಕಟ್ಟಿ
ಕೂಗುತ ಕರೆಯುವೆನು
ಚೌಕಸಿ ಮಾಡಿ ಹಾಸ್ಯವ ಮಾಡಿ
ಜನರಲಿ ಬೆರೆಯುವೆನು
#ಕಾಯಕ_ಯೋಗಿ ಜಗದೊಳು ಭೋಗಿ
ಎನ್ನುತ ಹಾಡುವೆನು
ದಿನವಿಡಿ ದುಡಿದು ದಣಿಯದೆ ಮಿಡಿದು
ನಾಳೆಯ ನೆನೆಯುವೆನು.
- ಚನ್ನಕೇಶವ ಜಿ ಲಾಳನಕಟ್ಟೆ (ಕವಿಗಳು, ಲೇಖಕರು) ಬೆಂಗಳೂರು
