ರಾಷ್ಟ್ರೀಯ ಸ್ಟಾರ್ಟಪ್ ಪ್ರಶಸ್ತಿ – ೨೦೨೩ಕ್ಕೆ ಅರ್ಜಿ ಆಹ್ವಾನ: ಮೇ ೩೧ ಕಡೆ ದಿನ. ಜಾಗತಿಕವಾಗಿ ದೇಶವನ್ನು ಆರ್ಥಿಕವಾಗಿ ಸದೃಢಗೊಳಿಸಲು ಸ್ಟಾರ್ಟಪ್‌ಗಳಿಗೆ ಹೆಚ್ಚಿನ ಉತ್ತೇಜನ ನೀಡಲಾಗುತ್ತಿದೆ. ಇದು ಉದ್ಯೋಗ ಸೃಷ್ಟಿಗೂ ಪೂರಕವಾಗಲಿದೆ. ಈ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರವು ಸ್ಟಾರ್ಟಪ್ ಪ್ರಶಸ್ತಿಯನ್ನು ಕಳೆದ ಮೂರು ವರ್ಷಗಳಿಂದ ನೀಡುತ್ತಿದೆ. ಈ ಬಾರಿಯು ಅರ್ಜಿ ಆಹ್ವಾನಿಸಿದೆ.
ದೇಶದಲ್ಲಿ ಸ್ಟಾರ್ಟಪ್‌ಗಳನ್ನು ಉತ್ತೇಜಿಸುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರವು ಸ್ಟಾರ್ಟಪ್ ಪ್ರಶಸ್ತಿ ನೀಡುವುದನ್ನು ಆರಂಭಿಸಿದೆ. ಉದ್ಯಮ ಮತ್ತು ಆಂತರಿಕ ವ್ಯಾಪಾರದ ಉತ್ತೇಜನ ಇಲಾಖೆ (ಡಿಪಿಐಐಟಿ) ೨೦೨೦ರಲ್ಲಿ ರಾಷ್ಟ್ರೀಯ ಸ್ಟಾರ್ಟಪ್ ಪ್ರಶಸ್ತಿಗಳನ್ನು (ಎನ್‌ಎಸ್‌ಎ) ಪ್ರಾರಂಭಿಸಿದೆ. ಪ್ರಶಸ್ತಿಗಾಗಿ ಅರ್ಜಿ ಆಹ್ವಾನಿಸಲಾಗಿದ್ದು, ಮೇ ೩೧ರಂದು ಕೊನೆಯ ದಿನಾಂಕವಾಗಿದೆ.
ನವೀನ ಉತ್ಪನ್ನಗಳನ್ನು ನಿರ್ಮಿಸುವ ಮತ್ತು ಸಾಮಾಜಿಕ ಪರಿಣಾಮವನ್ನು ಪ್ರದರ್ಶಿಸುವ ಸ್ಟಾರ್ಟಪ್‌ಗಳನ್ನು ಗುರುತಿಸಿ ಪ್ರಶಸ್ತಿ ಪ್ರದಾನ ಮಾಡಲಾಗುತ್ತದೆ. ಇಲ್ಲಿಯವರೆಗೆ ಮೂರು ಆವೃತ್ತಿಗಳಾಗಿವೆ. ರಾಷ್ಟ್ರೀಯ ಸ್ಟಾರ್ಟಪ್ ಪ್ರಶಸ್ತಿಗಳು ೨೦೨೩ಗಾಗಿ ಅರ್ಜಿಗಳನ್ನು ಏ.೧ರಿಂದ ಆಹ್ವಾನಿಸಲಾಗಿದೆ. ಮೇ ೩೧ರಂದು ಕಡೆಯ ದಿನವಾಗಿದೆ. ಪರಿಸರ ವ್ಯವಸ್ಥೆಯ ಅಭಿವೃದ್ಧಿಯಲ್ಲಿ ಕ್ರಾಂತಿಕಾರಿ ಬದಲಾವಣೆಗೆ ಸ್ಟಾರ್ಟಪ್‌ಗಳನ್ನು ಸಕ್ರಿಯವಾಗಿಸುವುದು ಸಹ ಕೇಂದ್ರ ಸರ್ಕಾರ ಉದ್ದೇಶವಾಗಿದೆ.
‘ವಿಷನ್ ಇಂಡಿಯಾ ೨೦೪೭’ಗೆ ಅನುಗುಣವಾಗಿ, ಭಾರತವು ಅಭಿವೃದ್ಧಿ ಹೊಂದಿದ ಆರ್ಥಿಕತೆಯತ್ತ ಗಮನಹರಿಸುತ್ತಿದೆ. ೨೦ ವಿಭಾಗಗಳಲ್ಲಿ ಪ್ರಶಸ್ತಿ ನೀಡಲಾಗುತ್ತದೆ. ಪ್ರಸ್ತುತ ಭಾರತೀಯ ಮತ್ತು ಜಾಗತಿಕ ಆರ್ಥಿಕ ಕೇಂದ್ರ ಬಿಂದುಗಳ ಕುರಿತು ಸಂಪೂರ್ಣ ಚರ್ಚೆಯ ಮೇಲೆ ನಿರ್ಧರಿಸಲಾಗಿದೆ. ಈ ವರ್ಗಗಳು ಏರೋಸ್ಪೇಸ್, ಚಿಲ್ಲರೆ ವ್ಯಾಪಾರ ಮತ್ತು ಇತರೆ ತಂತ್ರಜ್ಞಾನಗಳಲ್ಲಿನ ನಾವೀನ್ಯತೆಗಳಿಂದ ಹಿಡಿದು ಹೆಚ್ಚು ಪ್ರಭಾವ-ಕೇಂದ್ರಿತ ವರ್ಗಗಳವರೆಗೆ ಇರುತ್ತದೆ.
ಪ್ರತಿಯೊಂದು ವಿಭಾಗದಲ್ಲೂ ಒಂದು ವಿಜೇತ ಸ್ಟಾರ್ಟಪ್‌ಗಳಿಗೆ ೧೦ ಲಕ್ಷ ರೂಪಾಯಿ ನಗದು ಬಹುಮಾನವನ್ನು ನೀಡಲಾಗುತ್ತದೆ.
ರಾಷ್ಟ್ರೀಯ ಸ್ಟಾರ್ಟಪ್ ಪ್ರಶಸ್ತಿಗಳ ಮೂರು ಆವೃತ್ತಿಗಳು ದೇಶದಾದ್ಯಂತ ಸ್ಟಾರ್ಟಪ್‌ಗಳು ಪರಿಸರ ವ್ಯವಸ್ಥೆಯನ್ನು ಸಕ್ರಿಯಗೊಳಿಸುವಿಕೆಗೆ ಸಾಕ್ಷಿಯಾಗಿದೆ. ಮೂರು ವರ್ಷಗಳಲ್ಲಿ ೬,೪೦೦ ಕ್ಕೂ ಹೆಚ್ಚು ಸ್ಟಾರ್ಟಪ್‌ಗಳಿಂದ ಸಕ್ರಿಯ ಭಾಗವಹಿಸುವಿಕೆಯನ್ನು ಕಂಡಿದೆ.
ಹೆಚ್ಚಿನ ಮಾಹಿತಿಗಾಗಿ https://www.startupindia.gov.in/ ಸಂಪರ್ಕಿಸಬಹುದು.
- ಆಕೃತಿ ನ್ಯೂಸ್
