ರಾಯರ ದಿನ ಗುರುವಾರದಂದು ರಾಯರನ್ನು ನೆನೆದು ಕವಿ ಚನ್ನಕೇಶವ ಜಿ ಲಾಳನಕಟ್ಟೆ ಅವರ ಒಂದು ಸುಂದರ ಕವಿತೆಯನ್ನು ತಪ್ಪದೆ ಮುಂದೆ ಓದಿ…
ನಡೆ ನಡೆ ನಡೆವೆಡೆ ರಾಯರನು
ನುಡಿನುಡಿ ನುಡಿಯಲು ರಾಯರನು
ಗುಡಿಗುಡಿ ಗುಡಿಯಲು ರಾಯರನು
ಬಿಡೆಬಿಡೆ ರಾಯರ ಪಾದವನು
ಕರೆದರೆ ಬಿರಬಿರ ಬರುವವರು
ತರತರ ದುರಿತವ ಕಳೆಯುವರು
ಹರಿಹರರಿಗು ಗುರು ಮಿಗಿಲಿವರು
ಗುರುತರ ಬಾಳಿಗೆ ನಾವಿಕರು
ನೆನೆ ನೆನೆ ನೆನೆದರೆ ಬಳಸುವರು
ಮುನಿ ಮುನಿ ಮುನಿವರ ಗುರುವರರು
ಮಿನುಗಿಸೆ ಬಾಳನು ಹರಸುವರು
ಕ್ಷಣ ಕ್ಷಣ ಬಕುತರ ಪೊರೆವವರು
ಕಳೆಯುತ ಪೂರ್ವದ ಕರ್ಮವನು
ಬಳಸುತ ಕರಗಿಸಿ ಪಾಪವನು
ಹೊಳಪಿಸಿ ನಡೆಯುವ ದಾರಿಯನು
ಬೆಳಗಿಸುವವ ನಿಜ ಗುರುವರನು.
- ಚನ್ನಕೇಶವ ಜಿ ಲಾಳನಕಟ್ಟೆ
