‘ಪ್ರೀತಿ ಮಳೆ’ ಕವನ – ಫಣಿರಾಜು ಎಸ್

ನನ್ನ ನೆನಪು ಬರದೆ ಇನ್ನೂ, ಕಾದು ಕಾದೇ ಕರಗಲೇನು? … ಕವಿ ಫಣಿರಾಜು ಎಸ್ ಕಡೂರು ಅವರ ಲೇಖನಿಯಲ್ಲಿ ಮೂಡಿದ ಕವನವನ್ನು ತಪ್ಪದೆ ಮುಂದೆ ಓದಿ…

ಎಲ್ಲೋ ಹುಟ್ಟಿ ಎಲ್ಲೋ ಬೆಳೆದು
ಅಂದು ನನ್ನ ಹೃದಯ ಪೊರೆದು
ಭಾವ ತುಂಬಿ ಹರಿಸಿದವಳು
ನನ್ನ ನೆನಪು ಬರದೆ ಇನ್ನೂ ? //

ಯಾವ ಗಾಳಿ ಬೀಸಿ ಬಂತೋ
ಯಾರ ಮನವ ತಣಿಯಲೆಂದೋ
ಕಾದು ಕುಳಿತೆ ಕಾಯುತಿರುವೆ
ನನ್ನ ನೆನಪು ಬರದೆ ಇನ್ನೂ ? //

ಗಾಳಿ ಬೀಸಿ ಮೊಡ ಚದುರಿ
ಮಳೆ ತರದು ದೂರ ಸರಿದು
ಎಲ್ಲೋ ಸುರಿದೆ ನನ್ನ ತೊರೆದು
ನನ್ನ ನೆನಪು ಬರದೆ ಇನ್ನೂ ? //

ಕಡಲ ಒಡಲ ತೊರೆದೆ ನೀನು
ಮುಗಿಲು ಸೇರಿ ಕವಿಯಲೇನು?
ಕಾದು ಕಾದೇ ಕರಗಲೇನು?
ನನ್ನ ನೆನಪು ಬರದೆ ಇನ್ನೂ ? //

ನಿನ್ನ ಪ್ರೀತಿ ಮಳೆಯ ಕಾದೆ
ಹನಿ ಹನಿಗೆ ಹೃದಯ ತೆರೆದೆ
ಸನಿಹ ತೊರೆದೆ ವಿರಹ ತರದೆ?
ನನ್ನ ನೆನಪು ಬರದೆ ಇನ್ನೂ ? //

• ಫಣಿರಾಜು ಎಸ್ ಕಡೂರು (ಫಣಿರಾಜು ಎಸ್)