ನಾಲಿಗೆಯೆಂಬ ನಂಜಿನಾಸ್ತ್ರದ ಮೇಲೆ ಹನಿಗವಿತೆಗಳು

“ಇವು ನಾಲಿಗೆಯೆಂಬ ನಂಜಿನಾಸ್ತ್ರದ ಮೇಲಿನ ಐದು ಹನಿಗವಿತೆಗಳು. ನಾಲಿಗೆಯ ವಿಕಾರ, ಅಂಧಕಾರ ಬಿಂಬಿಸುವ ಭಾವಪ್ರಣತೆಗಳು. ಈ ಜಗತ್ತಿನಲ್ಲಿ ನಾಲಿಗೆಯೆಂಬ ನಂಜಿನಾಯುಧ ಜನರ ಕೊಂದಷ್ಟು, ಬೇರಾವ ಆಯುಧವೂ ಕೊಲ್ಲಲಿಲ್ಲ. ನಾಲಿಗೆ ನಮ್ಮನ್ನು ನರಳಿಸಿದಷ್ಟು, ಬೇರಾವ ಅಂಗವೂ ನರಳಿಸಲಿಲ್ಲ. ಏನಂತೀರಾ.?” – ಪ್ರೀತಿಯಿಂದ ಎ.ಎನ್.ರಮೇಶ್. ಗುಬ್ಬಿ.

1. ವಿನಾಶಿ.!

ಎಲುಬಿಲ್ಲದ ನಾಲಿಗೆಗೆ
ಕೊಟ್ಟುಬಿಟ್ಟರೆ ಸಲಿಗೆ
ಬಂದೀತು ಬದುಕು
ಅಕ್ಷರಶಃ ಬೀದಿಗೆ.!

******

2. ಕಾರಣ..!

ಬದುಕಿನಲಿ ಬಹಳ ಸಲ
ಎಡವಟ್ಟಾಗುವುದು..
ಎಡಬಿಡಂಗಿಯಾಗುವುದು..
ಎಡವಿದ ನಡಿಗೆಯಿಂದಲ್ಲ
ಎಲುಬಿಲ್ಲದ ನಾಲಿಗೆಯಿಂದ.!

******

3. ಅಪಾಯಕಾರಿ.!

ಎಂಟೆದೆ ಎಲುಬುಳ್ಳವರೂ
ಹೆದರುವುದು ಮಾತ್ರ
ಎಲುಬಿಲ್ಲದ ನಾಲಿಗೆಗೆ.!
ಎಡವದೆ ನಡೆವವರೂ
ಬೆದರುವುದು ಮಾತ್ರ
ಎಗ್ಗಿಲ್ಲದ ಜನರ ಛಾಳಿಗೆ.!
ಚುಚ್ಚು ನುಡಿಯ ದಾಳಿಗೆ.!

*******

4. ಮಾರಕ.!

ಅಪ್ಪಿತಪ್ಪಿ ಎಡವುದನೇ
ಎಲ್ಲರೆದುರು ಎತ್ತಾಡುತ್ತ
ಅವರಿವರ ಎಡವಟ್ಟುಗಳನೇ
ಎಡಬಿಡದೆ ಎಣಿಸಿಡುತ್ತ
ಮೆರೆವ ಇರಿವ ಝರಿವ
ಓ ಎಲುಬಿಲ್ಲದ ನಾಲಿಗೆ
ಮಾರಕ ಅಶಾಂತಿ ಕಾರಕ
ನೀ ಲೋಕದ ಪಾಲಿಗೆ.!

*******

5. ಸ್ವಭಾವ.!

ಎಡಬಲದಿ ಯಾರಿದ್ದರೂ
ಎಗ್ಗಿಲ್ಲದ ಎಡಬಿಡಂಗಿಗಳ
ನಡೆಗೆ ನಿಯಂತ್ರಣವಿಲ್ಲ
ಎಲುಬಿಲ್ಲದ ನಾಲಿಗೆಗಳ
ನುಡಿಗಳಿಗೆ ಕಡಿವಾಣವಿಲ್ಲ.!


  • ಎ.ಎನ್.ರಮೇಶ್. ಗುಬ್ಬಿ. (ಲೇಖಕರು, ಕವಿಗಳು), ಕೈಗಾ

0 0 votes
Article Rating

Leave a Reply

0 Comments
Inline Feedbacks
View all comments
Home
Search
All Articles
Videos
About
0
Would love your thoughts, please comment.x
()
x
%d bloggers like this:
Aakruti Kannada

FREE
VIEW