ಆಲೂ, ಮೂಲಂಗಿ, ಮಂತ್ಯೆ ಪರೋಟ ಹೀಗೆ ನಾನಾ ರೀತಿಯ ಪರೋಟಗಳನ್ನು ತಿಂದಿರಬಹುದು. ಆದರೆ ಆರೋಗ್ಯಕರವಾದ ಸೋಯಾ ಚಂಗ್ಸ್ ಪರೋಟವನ್ನು ತಿಂದಿಲ್ಲ ಎಂದರೆ ನಳಪಾಕ ಪ್ರವೀಣೆ ಶಕುಂತಲಾ ಸವಿ ಅವರು ಸೋಯಾ ಚಂಗ್ಸ್ ಪರೋಟ ಮಾಡುವ ವಿಧಾನವನ್ನು ಹಂಚಿಕೊಂಡಿದ್ದಾರೆ, ತಪ್ಪದೆ ಮುಂದೆ ಓದಿ…
ಬೇಕಾಗುವ ಪದಾರ್ಥಗಳು :
- ಗೋಧಿ ಹಿಟ್ಟು – 2 ಕಪ್
- ಸೋಯಾ ಚಂಗ್ಸ್ – 6 ಸ್ಪೂನ್ ಪೌಡರ್
- ಈರುಳ್ಳಿ – 2 ಸಣ್ಣಗೆ ಹಚ್ಚಿಕೊಳ್ಳಿ
- ಮೆಂತ್ಯ ಸೊಪ್ಪು – ಸಣ್ಣಗೆ ಹಚ್ಚಿಕೊಳ್ಳಿ
- ಬೇಯಿಸಿದ ಆಲೂಗಡ್ಡೆ – 2 ಸ್ಮ್ಯಾಶ್ ಮಾಡಿಕೊಳ್ಳಿ
- ಕೊತ್ತಂಬರಿ ಸೊಪ್ಪು – ಸ್ವಲ್ಪ
- ಜೀರಿಗೆ ಪೌಡರ್ – ಸ್ವಲ್ಪ
- ಅಚ್ಚ ಮೆಣಸಿನ ಪುಡಿ – ಸ್ವಲ್ಪ
- ಕಾಯಿಸಿದ ಎಣ್ಣೆ – 2 ಸ್ಪೂನ್ ಅಥವಾ ತುಪ್ಪ
- ಉಪ್ಪು ರುಚಿಗೆ ತಕ್ಕಷ್ಟು
ಮಾಡುವ ವಿಧಾನ :
ಮೇಲೆ ಹೇಳಿರುವ ಎಲ್ಲ ಪದಾರ್ಥಗಳನ್ನು ಚೆನ್ನಾಗಿ ಮಿಕ್ಸ್ ಮಾಡಿ, ತಕ್ಕಷ್ಟು ನೀರು ಹಾಕಿ ಚಪಾತಿ ಹಿಟ್ಟಿನಂತೆ ಕಲಸಿಕೊಳ್ಳಿ. ನಂತರ ಚಪಾತಿ ಲಟ್ಟಿಸಿ ಕಾದ ತವಾ ಮೇಲೆ ಹಾಕಿ ಎರಡು ಬದಿ ಬೇಯಿಸಿ. ಇದನ್ನು ತುಪ್ಪ,ಬೆಣ್ಣೆ, ಗಟ್ಟಿ ಮೊಸರಿನೊಂದಿಗೆ ಸವಿಯಿರಿ.
- ಶಕುಂತಲಾ ಸವಿ – ಮೈಸೂರು
