ಕೃಷ್ಣನಂತೆ “ಪೌಂರ್ಡ್ರಿಕ”, ಆದರೆ ಕೃಷ್ಣನಲ್ಲ – ರಾಘವೇಂದ್ರ ಇನಾಮದಾರ

ಪೌಂರ್ಡ್ರಿಕ ಕರುಷ ರಾಜ್ಯದ ರಾಜ. ನೋಡಲು ಕೃಷ್ಣನ ತದ್ರೂಪಿ.  ಅವನ ತಂದೆಯ ಹೆಸರು ಕೂಡ ವಾಸುದೇವ. ದೇಹದಲ್ಲಿ ಬಲಿಷ್ಠ ಆದರೆ ಬುದ್ದಿಯಲ್ಲಿ ಶೂನ್ಯನಾಗಿದ್ದ. ಪೌಂರ್ಡ್ರಿಕನ ಬಗ್ಗೆ ಇನ್ನಷ್ಟು ಸ್ವಾರಸ್ಯಕರ ವಿಷಯಗಳನ್ನು ಲೇಖಕ ರಾಘವೇಂದ್ರ ಇನಾಮದಾರ ಅವರು ಈ ಲೇಖನದಲ್ಲಿ ಹಂಚಿಕೊಂಡಿದ್ದಾರೆ. ಮುಂದೆ ಓದಿ…

ಮಹಾಭಾರತದ ಕಾಲದಲ್ಲಿ ಕರುಷ ರಾಜ್ಯ ಆಳುತ್ತಿದ್ದ ರಾಜನ ಹೆಸರು ಪೌಂರ್ಡ್ರಿಕ. ಇದ್ರೆಲ್ಲೇನೂ ವಿಶೇಷ ಅಂತೀರಾ…? ವಿಶೇಷ ಇದೆ ರೀ… ಇವನು ನೋಡೋಕೆ ಕೃಷ್ಣನಂತೆ ಇದ್ದ. ಕೃಷ್ಣನ ತದ್ರೂಪಿ ಅಂದ್ರು ಅಡ್ಡಿಯಿಲ್ಲ. ಇಲ್ಲಿ ಇನ್ನೊಂದು ವಿಚಿತ್ರ ಅಂದ್ರೆ ಅವನ ತಂದೆಯ ಹೆಸರು ಕೂಡ ವಾಸುದೇವ. ಪೌಂರ್ಡ್ರಿಕ ದೇಹದಿಂದ ಬಲಿಷ್ಠನಾಗಿದ್ದ ಆದರೆ ಬುದ್ಧಿಶಕ್ತಿ ಮಾತ್ರ ಶೂನ್ಯ. ಸದಾ ಮೂರ್ಖನಂತೆ ವರ್ತಿಸುತ್ತಿದ್ದ. ನಾನೇ ನಿಜವಾದ ಭಗವಂತ ಆ ಕೃಷ್ಣ ಕೇವಲ ದನಕಾಯುವವನು ಎನ್ನುತ್ತಾ ತನ್ನನ್ನೇ ತಾನೇ ಬಣ್ಣಿಸಿಕೊಳ್ಳುತ್ತಾ ತಿರುಗುತ್ತಿದ್ದ. ಅಷ್ಟೇ ಅಲ್ಲದೇ ಅವನು ಕೃಷ್ಣನಂತೆ, ಶಂಖ, ಕೌಸ್ತುಭ ಹಾರ, ನವಿಲುಗರಿ ಧರಿಸಿಕೊಳ್ಳುತ್ತಿದ್ದ. ಆದರೆ ಅವೆಲ್ಲಾ ನಕಲಿಯಾಗಿದ್ದವು.

“ನೋಡು ಕೃಷ್ಣ, ನಾನು ಈಗ ಹೇಳುತ್ತಿರುವ ಯಾವ ಮಾತುಗಳೂ ನನ್ನವಲ್ಲ. ನನ್ನ ರಾಜ ಹೇಳಿದಂತೆ ಇಲ್ಲಿ ಹೇಳುತ್ತಿರುವೆ” ಎಂದ ಧೂತ, ಸಂದೇಶ ಹೇಳುವನು. ” ನೋಡು ಈ ಜಗತ್ತಿನಲ್ಲಿನ ಮಾನವ ಕುಲದ ಕಲ್ಯಾಣಕ್ಕೆಂದೇ ಅವತರಿಸಿ ಬಂದವನು ನಾನು, ನೀನು ಕೇವಲ ದನ ಕಾಯುವವನು. ಹಾಗಾಗಿ ಈ ಮೂರ್ಖತನವನ್ನು ಬಿಟ್ಟು, ನನ್ನಿಂದ ಕದ್ದ ಸುದರ್ಶನ ಚಕ್ರ ನನಗೆ ಒಪ್ಪಿಸಿ, ನನಗೆ ಶರಣಾಗು ಇಲ್ಲದಿದ್ದಲ್ಲಿ ನನ್ನೊಂದಿಗೆ ಯುದ್ಧ ಮಾಡಲು ಸಿದ್ಧನಾಗು” ಎಂದು ಹೇಳಿದ ಧೂತನ ಮಾತನ್ನು ಕೇಳಿ ಸಭಿಕರೆಲ್ಲರೂ ಬಿದ್ದು ಬಿದ್ದು ನಗುತ್ತಾರೆ.