‘ಹೇಗೆ ತಾನೇ ಮರೆಯಲಿ’ ಕವನ – ಮೇಗರವಳ್ಳಿ ರಮೇಶ್  



‘ನಗೆಯ ನಕ್ಷತ್ರಗಳ ಮಾಲೆಯನು ತೂಗಿ, ನನ್ನ ಕಣ್ನ ಕೊರೈಸಿದವಳನು’… ಕವಿ ಮೇಗರವಳ್ಳಿ ರಮೇಶ್ ಅವರ ಲೇಖನಿಯಲ್ಲಿ ಮೂಡಿ ಬಂದ ಕವಿತೆ, ಮುಂದೆ ಓದಿ ….

ಹೇಗೆ ತಾನೇ ಮರೆಯಲಿ ನಾನು
ಆ ಸುಂದರ ಬೆಳುದಿಂಗಳ ರಾತ್ರಿಯನು
ಚಂದ್ರಕಿರಣಗಲಿಂದಲೇ ಜಾರಿ
ಭೂಮಿಗಿಳಿದ ಆ ಕಿನ್ನರಿಯನು.

ನಗೆಯ ನಕ್ಷತ್ರಗಳ ಮಾಲೆಯನು ತೂಗಿ
ನನ್ನ ಕಣ್ನ ಕೊರೈಸಿದವಳನು.
ಕಂಗಳಲ್ಲೇ ಕವನಗಳ ತುಂಬಿ ತಂದು
ನನ್ನೆದೆಯ ಕಡಾಯಿಗೆ ಸುರಿದವಳನು.

ಬೆಳದಿಂಗಳ ಮೈಯ ಬೆಳಗಿ ನಿಂತವಳನು
ತಂಗಾಳಿಯಲಿ ಸೌಗಂಧ ತುಂಬಿದವಳನು
ಪೈಜಣವ ಝಣ ಝಣಿಸಿ ನನ್ನೆದೆಯ ರಂಗದಲಿ
ಕುಣಿ ಕುಣಿದು ರಂಗೇರಿಸಿದ ಆ ರತಿಯನು.

ಹೇಗೆ ತಾನೇ ಮರೆಯಲಿ ನಾನು
ಆ ಸುಂದರ ಬೆಳುದಿಂಗಳ ರಾತ್ರಿಯನು!


  • ಮೇಗರವಳ್ಳಿ ರಮೇಶ್  (ನಿವೃತ್ತ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಅಧಿಕಾರಿ)

5 1 vote
Article Rating

Leave a Reply

0 Comments
Inline Feedbacks
View all comments
0
Would love your thoughts, please comment.x
()
x
%d bloggers like this:
Aakruti Kannada

FREE
VIEW